* فيه ناس مستحيل تشوف شيء ما يعجبها وتسكت لازم تجي وتعلق
ومستحيل تخلي الناس تسوي اللي تبيه لازم تجي تقول ليش سو كذا ما ماتو اللي يسون كذا ؟
متى بيجي الوقت اللي نخلي الناس تسوي الي تبي ويصيرون الناس حرفيًا يطبقون " محد عليه من أحد " ؟
الناس منشغلين في الناس أكثر من إنهم منشغلين في أنفسهم
وفي الحقيقة هم المفروض ينشغلون في أنفسهم أكثر من إنهم ينشغلون في الناس
وفئه من بعض الخلق بعد تجي تتكلم على ناس مشغلين أنفسهم بغيرهم و هم جالسين يسون الفعل نفسه !
يعني خلاص خلو الناس تسوي اللي تبي مادامكم مب المسؤولين عنهم عطوا الناس بعض الحرية في إنهم يتصرفون زي ما هم يبون !
مشكلتنا يالعرب تعودنا على النقد وعلى إنه كلنا لازم نصير نفس الأطباع والتقاليد
ومانتقبل فكرة إن لكل شخص حرية في إنه يسوي اللي يبي بدون ماننقده وبدون مانعيب فعله
يمكن أوكي ما يعجبنا اللي يسويه هذا الشخص خلاص مايحتاج ما يبقى احد ماتتكلم له عن فعل هالشخص !
لازم نغير هالشيء فينا ونبدأ نتعود على إنه - كل شخص حر , يسوي اللي يبي يلبس اللي يبي يقول اللي يبي - !
واللي يقهر بعد تلقى معظم الناس مركزين على الأفعال السلبية اللي تطلع من شخص
يعني كأنهم يركزون على جانب واحد في الشخص اللي هو الجانب الشين
لكل شخص ولكل شيء في هالحياة جانب زين وجانب شين
وقبل ماتجلس تشوف الجانب الشين في الشخص وتكتشف فيه أشياء هو يمكن نفسه ما أكتشفها من كثر ما أنت جدًا مشغل نفسك في هالجانب
حاول شوي تشوف الجانب الزين في الشخص فتح عقلك وعيونك على الأشياء الزينه
إذا الشخص صدق يبي يعيش مرتاح لايركز على الجانب الشين من الأشياء اللي حوله يحاول يكون أعمى عنها بقد ما يقدر
ويفتح عقله وعيونه على الجانب الزين ويشغل نفسه في حاله
يترك الناس تسوي اللي تبي ويسوي اللي يبي ويعيش الكل مرتاح وزي مايبي .
- سارة الغيهب
